Open. 2:1 Skryf aan die engel van die gemeente in Éfese: Dít sê Hy wat die sewe sterre in sy regterhand hou, wat wandel tussen die sewe goue kandelaars:
Open. 2:2 Ek ken jou werke en jou arbeid en jou lydsaamheid, en dat jy slegte mense nie kan verdra nie; en dat jy dié op die proef gestel het wat sê dat hulle apostels is en dit nie is nie, en hulle leuenaars bevind het;
Open. 2:3 en dat jy verdra het en lydsaamheid besit, en ter wille van my Naam gearbei en nie moeg geword het nie.
Open. 2:4 Maar Ek het teen jou dat jy jou eerste liefde verlaat het.
Open. 2:5 Onthou dan waarvandaan jy uitgeval het, en bekeer jou en doen die eerste werke. Anders kom Ek gou na jou toe en sal jou kandelaar van sy plek verwyder as jy jou nie bekeer nie.
Open. 2:6 Maar dit het jy, dat jy die werke van die Nikolaïete haat, wat Ek ook haat.
Open. 2:7 Wie ‘n oor het, laat hom hoor wat die Gees aan die gemeentes sê. Aan hom wat oorwin, sal Ek gee om te eet van die boom van die lewe wat binne in die paradys van God is.
JaHUsha se woorde aan die gemeente in Efese spreek ook boekdele vir ons vandag. Elkeen van ons het ‘n oor, en daarom behoort ons, net soos die ander ses gemeentes, ook te luister na wat die Gees aan die gemeente te Efese gesê het. Luister gerus hoe JaHUsha ons almal so goed ken dat Hy tien dinge noem waarin Hy ons prys vir alles wat ons vir Hom doen. Maar daar was EEN ding wat Hy teen die gemeente van Efese gehad het, en ons wat ‘n oor het, moet hoor wat JaHUsha ook vir ons hierin sê …
Hierdie DVD is vervaardig deur Kerugma Produksies, ‘n geloofsonderneming wat daarna streef om die evangelie van Jesus Christus deur middel van hoë gehalte media produkte te versprei. Vir meer inligting besoek gerus http://www.kerugma.org
Neil Olwagen – Die Sewe Gemeentes van Openbaring 2 & 3 – Aan die Kerk van Jesus Christus in Efese
Torah of Messiah / Messias se Torah 